Warar ayaa xaqiijinaaya in dalka Turkiga ay ku xeran tahay Fannaanada Soomaaliyeed ee lagu magacaabo Qamar Cabdullaahi Harawo xili ay safar ku aheyd garoonka diyaaradaha Atatürk ee magaalada Stanbul.
Qamar-harawoXariga Fannaanada ayaa ka dambeeyay kadib markii qof la socotay fannaanada ay ka baxsatay garoonka xili ay socotay baarista documentiyada ay ku socdaalayeen, taasoo keentay in Fannaanada loo qabto.
Warku wuxuu intaa ku darayaa in ciidamada amaanka garoonka ay weydiinayaan xiriirka ka dhaxeeya qofka garoonka ka baxsaday iyo meesha uu u baxsaday.
Wararku waxay sheegayaan in qofka garoonka ka baxsaday iyo Fannaanada ay isku safar kaliya ahaayeen, xarigeedana uu yahay mid si qalad ah ay ciidamada amaanka u haystaan, wallow aan warkaasi la hubin.
Qamar Cabdullaahi Harawo waxay ka mid aheyd Fannaaniintii Hobolada Waaberi, kuwooda ka dhex muuqda fanka, waxayna ka qeyb qaadatay jilista iyo heesaha dhowr Riwaayadood oo caan ka ah guud ahaan Soomaaliya.
Tan iyo markii ay bilowdeen duulimaadyada ay shirkadda Turkish Airline ay ku tageyso Muqdisho waxaa soo kordhay ku safrida documentiyada been abuurka ah iyo kuwa shabaha ee looga soo baxayo Muqdisho, taasoo keentay in la bartilmaameedsado wixii midib Soomaaliyeed leh.
_____________________________
Xafiiska Shabakada warcadnetUsa-Alaska
ceelka@gmail.com
www.warcadnet.blogspot.com
Facebook Blogger Plugin by deercali.blogspot.com | Get Widget
Posted by , Published at 23:30 and have
