 |
| baladweyne |
Qaar ka mid ah Ardayda Waxkabarata Jaamacadaha magaalada Beledweyn ee xarunta gobolka Hiiraan ayaa bilaabay iney gudaha magaaladaasi ka hirgeliyaan mashaariic si lacag la’aan ah wax loogu barayo dadka danyarta ah ee aan awoodin iney lacag wax ku bartaan.
Munaasabad lagu furayey iskuul si lacag la’aan ah wax loogu barayo Ardayda danyarta ah ayaa lagu qabtay maanta xaafadda Buundo Weyn ee magaalada Beledweyn ayaa waxaa ka qeybgalay Waxgarad iyo Aqoonyahanno kuwaasi oo aad u dhiira geliyey talaabada ay qaadeen Ardayda wax ka barata Jaamacadaha magaalada Beledweyn.
Qaar ka mid ah Ardayda Jaamacaha wax ka barata ee iyagu bilaabay hirgelinta mashruucan ayaa u sheegay Warcad.com in qaadista talaabadan ay uga gol leeyihiin ineysan waxbarasho la’aan noqon jiilka usoo koraya magaalada Beledweyn.
Waa markii ugu horeysay ee magaalada Beledweyn laga bilaabo mashruuc noocaan oo ay si lacag la’aan waxbarasho ugu helayaan ardayda aanay waalidkoodu awoodin iney ka bixiyaan amaba geeyaan waxbarashada lacagta ah.
_____________________________Xafiiska Shabakada warcadnet
Usa-Alaska
ceelka@gmail.com
www.warcadnet.blogspot.com
Facebook Blogger Plugin by deercali.blogspot.com | Get Widget
Posted by , Published at 23:19 and have
