Toban xarumood oo Shirkadda Xawaalada Dahabshiil ay kulaheyd gobalada Hiiraan, Baay, iyo Bakool ayaa dagaalamayaasha Shabaabku waxa ay mar qur ah ku amreen in laxiro kadib markii ay ku eedeeyeen in ay ku howlanaayeen falal Shabaabku aysan jeceleysan.
Xarumaha Shabaabku ay qataareen ayaa waxa ay kala yihiin kuwii ku yiilay Degmooyinka Buula-Burde, Jalalaqsi, Maxaas, Moqakori, Halgan, Buqa-qable iyo Ceel Cali kuwaas oo dhamaan katiran gobalka Hiiraan ee bartamaha dalka Soomaaliya.
Waxaa kale oo iyana shaqadoodii laga hor joogsaday xarumihii shirkadu kulaheyd Degmooyinka Xudur, Waajid, Tayeegloow, Rabdhuure, Diinsoor iyo Ufuroow oo iyana hoos taga gobalada Baay iyo Bakool.
Sababta Rasmiga ah ee Shirkadaan xarumaheeda loo xayiray Shabaabku mashaacin hasa yeeshee waxaa wararka dadka deegaanadaasi ku sugan ay daaha karogayaan in ay bixi waayeen maamulayaasha xarumahaasi qarashaad lagu amray in ay uga qeyb qaataan dagaalka Shabaabku ka hurinayaan Koofurta, Bartamaha iyo Bariga Soomaaliya.
_____________________________
Xafiiska Shabakada warcadnet
Usa-Alaska
ceelka@gmail.com
www.warcadnet.blogspot.com
Facebook Blogger Plugin by deercali.blogspot.com | Get Widget
Posted by , Published at 00:00 and have
