daajis.com:-Xukuumadda Soomaaliya ayaa faah faahin ka bixisay Shir Urur Goboleedka IGAD ay ka yeelan doonaan Soomaaliya maalmaha soo aadan.
Wasiirka Arrimaha Dibadda dowladda Soomaaliya Fowziyo Yuusuf Xaaji
Aadan oo maanta u safartay Magaalada Addis Ababa ee dalka Ethiopia ayaa
waxa ay faah faahin ka bixisay shir looga hadlayo arrima Soomaaliya oo
uu soo qaban qaabiyay Urur Goboleedka IGAD.
Fowziyo Yuusuf Xaaji Aadan oo saxaafadda kula hadashay Garoonka
diyaaradaha Magaalada Muqdisho ayaa waxaa ay tilmaamtay in Shir aan
Caadi aheyn IGAD ay 7-bishan ku yeelan doonaan Magaalada Addis Ababa ee
Xarunta dalka Ethiopia, kaasi oo looga hadlayo arrimo ay ugu waa
weynyihiin xasilinta Soomaaliya.
Wasiirada Arrimaha Dibadda ayaa sidoo kale sheegtay in shirkaasi lagu
soo qaadi doono sidii ay Al Shabaab goobaha ay ku harsan yihiin looga
saari lahaa dalka, islamarkaana loo taageeri lahaa Ciidamada dowladda
Soomaaliya.
Shirkan ka dhici doona Isniinta soo aadan Magaalada Addis Abaab ee
dalka Ethiopia oo looga hadlayo arrimaha Soomaaliya ayaa daba socday
shirar hore oo ay madaxda Urur Goboleedka IGAD ka yeesheen arrimaha
Soomaaliya.
_____________________Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 01:00 and have
