Sida ay sheegayaan wararka ciidamada huwanta oo ka dhaqaaqay duleedka Baydhabo ayaa qabsaday deegaanka Awdiinle oo qiyaastii magaalada Baydhabo u jira ilaa 30-KM.
Wararka ayaa sheegaya in labada dhinac uu iska hor imaad ku dhex maray, inkastoo aan la sheegi karin qasaaraha ka dhashay.
Hase ahaatee sarkaal ka tirsan ciidamada dowladda ayaa sheegay in saaka ay la wareegeen deegaankaas, iyagoo wehliya ciidamada AMISOM.
Ma jirto wax war ah oo ka soo baxay Al-Shabaab iyo AMISOM, iyadoo deegaankan uu noqonayo kii u horeeyay ee AMISOM qabsadaan, tan iyo markii dhowaan ay gaareen magaalada Baydhabo.
Xoogaga Al-Shabaab ayaa si buuxda u maamula deegaano ka tirsan gobolada Bay iyo Bakool, waxaana ay qaadaan weeraro ka dhan ah ciidamada dowladda, kuwa Itoobiya iyo AMISOM.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 19:00 and have
