daajis.com:-Dowladda Turkiga ayaa magaalada Muqdisho ka bilowday howl ay ku diirsadeen shacabka Soomaaliyeed, isla markaana caqabad ku noqotay dad markoodii hore ku fiday waddooyinka, kaddib markii uu xaaqay isla markaana qashin qubka ku daray daraasiin ciid wasaqowday, dhagxaan iyo qashin fara badan oo waddooyinka ciriirin jiray.
Ololaha lagu nadiifinayo waddooyinka waaweyn ee laamiga ah iyo kuwa xaafadaha dhexdooda ah oo Turkiga uu ka bilaabay magaalada Muqdisho ayaa mar kaliya bedeshay bilicdii xaafadaha la nadiifiyay ee magaalada Muqdisho.
Labada shirkadood ee Dowladda Turkiga uga howlgasha magaalada Muqdisho ayaa isku qeybiyay howlgalka lagu nadiifinayo waddooyinka iyo howl kale oo waddooyinka la nadiifiyay lagu shubayo laami, kaasi oo ka bilowday xarun Turkiga ay ku leeyihiin agagaarka Garoonka Diyaaradaha Muqdisho ilaa isgoyska Korontada ee degmada Wadajir.
Dhinaca kale waxaa maanta la qaaday gebi ahaanba dhagxaan waaweyn oo la soo dhigay wadada u dhaxeysa Km4 ilaa iyo garoonka diyaaradaha Muqdisho, kuwaasi oo la dhigay markii uu xumaaday ammaanka wadadaasi oo halaq mareen u noqotay kooxaha is miidaamiyeyaasha Al-Shabaab.
Howlgallada lagu nadiifinayo waddooyinka oo ku soo dhowaaday isgoyska muhiimka ah ee KM4 ayaa lala xiriirinayaa dhagax ka qaadida maanta lagu sameeyay wadada ugu muhiimsan magaalada Muqdisho isla markaana mashquulka badan.
_____________________Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 16:47 and have
