Sawiro: Halyeeyda AC Milan Oo Rigoore Ku Garaacay Dhigooda Newcastle, Xilli Paolo Di Canio U Wacdarro Dhigay.

daajis.com:-Waxa ay aheyd nasiib in Paolo Di Canio xilli danbe loogu soo yeeray kulanka halyeeyada AC Milan ee wajahayay halyeeyada Newcastle ee lagu maamuusayay goolhaye Steve Harper, ciyaar ay ciyaareen halyeeyo ay ka mid yihiin Maldini, Alan Shearer, Franco Bressi iyo David Ginola.

Ciyaarta ayaa aheyd mid xamaasad leh oo daawasho mudneyd, iyadoo labada kooxood ay isku dhaafi waayeen barbaro goolal la’aan ah, laakiin Di Canio ayaa madadaalo ugu filnaa 51 kun taageerayaal ah ee soo xaadiray St James Park, iyadoo jamaahiirta ay ku oorinayeen Di Canio taabasho kasha uu kubada taabto madaama uu macalin u yahay kooxda ay sida aadka ah u neceb yihiin ee Sunderland.

Waxa uu garoonka soo galay iyadoo taageerayaasha Newcastle ay oorin cirka iskula shareereen, laakiin Di Canio ayaa dhunkasho u diray dhan walba oo garoonka ah.

Ciyaartii garoonka ka dhacday kooxda Talyaaniga ayaa ahaa kuwa si fiican u habeysan, waxaana ay fursado badan u diideen halyeeyada Newcastle.

Rigoorayaal ayaa la isla tagay, iyadoo Di Canio uu rigooradii ugu horeysay u saxiixay AC Milan, kuwaasoo rigoore 2-1 ah ku badiyay. Costacurta ayaa la dhaliyay rigoorada labaad, halka Newcastle uu u saxiixay kaliya Alan Thompson. Goolhayaha kulankaan lagu maamuusayay ayaa xitaa Newcastle ka qasaariyay, iyadoo Joe Borton isna laga badbaadiyay rigooradii ugu danbeysay taasoo Di Canio uga dhigtay habeen fiican.

CIYAARTOYDA LABADA KOOXOOD:

Newcastle United Legends (4-4-2): Harper (Given 30 (Srnicek 61)); Solano (Watson 55 (Stone 76)), Peacock (Kilcline 55 (Bernard 76)), Dabizas, Beresford (Pistone 41); Fox (Gillespie 41 (Kitson 71)), Lee (Butt 41 (Nolan 61 (E Speed 81))), Bowyer (Barton 61), Ginola (Sellars 55 (Thompson 71)); Ferdinand (Asprilla 25, (Cole 51)), Shearer (Beardsley 51 (T Speed 81)).

AC Milan Glorie (4-4-2): Rossi; Pancaro (Ba 55), Baresi (Mussi 46), Favalli, Maldini; Oddo (Vierchowod 55), Van Bommel (Lorenzini 82), Costacurta; Lentini (Massaro 55); Di Canio, Gant.

_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com