Haweeneyda dishey sarkaalkan ayaa u adeegsatay dilkiisa qori uu lahaa iyadoo aan si dhab ah loo ogeyn sababta ka dambaysay dilka.

Dilka sarkaalkan oo dhacay saaka waaberigii ayaa wararka qaar waxa ay sheegayaan in uu ahaa mid salka ku hayay khilaaf u dhexeeyay marxuumka la dilay iyo xaaskiisa.

Ma jiro wax war ah oo ka soo baxay maamulka degmada Dharkeynley ee uu falkan ka dhacay, hase yeeshee waxaa uu dilkan ka mid noqonayaa dilalka ka dhacaya magaalada Muqdisho iyadoo shalay ay ka dhaceen dilal kala gaar gaar ah.

Horaantii bishii aynu ka soo gudubnay ayaa haweeney ku dishey qori uu lahaa sarkaal ka tirsanaa ciidamada nabadsugida degmada Waaberi ee magaalada Muqdisho.

Waxaana dilalkan noocan oo kale ah fududeynaya hubka lagu haysto guryaha ay degen yihiin qaar ka mid ah ciidamada dowlada iyo weliba shaqaalaha dowlada.