daajis.com:-Nin la dhashay Hoggaamiyihii dhintay ee Al-Shabaab Axmed Cabdi
Godane, oo la yiraahdo Baashe ayaa sheegay in Walaalkiis uu ahaa Geesi u
shahiiday difaaca Diintiisa iyo dhaqankiisa suuban.
Baashe Axmed Godane oo Hargeysa ku qabtay shir jaraa´id ayaa
hadalkan kaga jawaabay kalmad uu Wasiirka arrimaha gudaha Somaliland
Cali Maxamed Warancadde uu ku sifeeyey Hoggaamiyihii Al-Shabaab Axmed
Cabdi Godane inuu ahaa Daalin, isla markaana ay Xaq tahay in Daalinka
la dilo, hase yeeshee.
Godane walaalkiis ayaa hadalkaasi ku tilmaamay mid gardaro ah oo aan
Walaalkiisa qaban, waxaanu sheegay in Walaalkii uu ahaa Geesi u
shihiiday Diintiisa iyo Dhaqankiisa suuban.
"Axmed Cabdi Aw Muxumed waxa uu ahaa Geesi u dhashay Ummadda
Islaamka, waxa uu u dhintay Diintiisa ILLaahay agtiisana sharaf ayuu ka
leeyahay, laakiin waxa hoog leh Ninka u adeegaya Gaal, ninka u
adeegaya wax yeelada Diintiisa, ninka u adeega wax yeelada dadkiisa,
ninka ku farxaaya dhimmashada dadkiisa. Ninkaasi ayaa hoog leh
camalkiisa iyo tacabkiisuna khasaare ku sugan yihiin." ayuu yiri Baashe
Cabdi Godane.
"Cali Maxamed Warancadde hadalka aad ku tidhi Marxuumku Daalin ayuu
ahaa oo Daalinka waa Xaq in la dilla, waxa aad ogaataa inaad Caalamul
Islaam aad godobtaa ka gashay oo ay kuu hayaan. Qoys ahaan hadaanu
nahay waxanu u ragnaa erayga aad Walaalkay ku sifaysay inuu Godob
dushaada saaran yahay oo aan kaa hadhi doonin." Ayuu yidhi Baashe Cabdi
Godane oo ka hadlaayey erayo uu Wasiirka Arrimaha Gudaha Somaliland ku
sifeeyey Marxuum Sheekh Axmed Cabdi Godane.
Ugu danbeyntii Baashe Cabdi Godane ayaa walaalkiis ku tilmaamay qof
Alle agtiisa ka sharfan, kana sharaf badan waxa uu wasiirka ku
tilmaamay, isagoo intaa raaciyay in uu si sharaf leh u dhintay.
Maamulka Somaliland ayaa dhowr jeer xabsiga u taxaabay Baashe iyo
qoyska uu kasoo jeedo Axmed Godane, inkastoo mudo kadib xabsiga laga
soo saarayay, walow ay ciidamada sirdoonka isha ku hayeen dhaqdhaqaaqa
qoyskaasi.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 01:43 and have
