daajis.com:- Ciidamada Xooga Dalka Soomaaliyeed ayaa la sheegay in ay ururka Shabaab kala wareegeen deegaano hoostaga Degmada Bardaale ee Gobolka Baay, kadib howlgalo amni sugid ah oo ciidamada ay halkaasi ka fuliyeen.
Howlgalkan ayaa ka dhacay deegaanada Gelgel iyo Buulo Xaawo oo hoostagga Degmada Bardaale.
Guddoomiyaha Degmada Bardaale Maxamed Isaaq Xasan, ayaa sheegay in ciidamada ay ku guuleysteen in deeganada kala ah Gelgel iyo Buulo Xaawo ay ka eryaan sida uu yiri Shabaabkii halkaasi ku sugnaa.
Wuxuu sheegay Shabaab inay dadka deegaanka ku dhibaateyn jireen deeganadaasi ay ka saareen, inkastoo uusan ka waramin khasaaraha ka dhashay howlgalka ay kula wareegeen deeganadaasi.
Ciidamada Dowladda Federaalka Soomaaliya iyo kuwa Amisom, ayaa sidoo kale howlgalo ammaanka lagu xaqiijinaayo waxa ay ka sameeyeen wadada udhaxeysa Awdiinle iyo Bardaale, halkaasi oo la sheegay inay wadada soo galaan xubno Shabaabka ka tirsan oo dadka dhac ugu geysan jiray.
Xoogaga Shabaab ayaa dagaalo kusoo qaada Degmada Bardaale ee Gobolka Baay oo ay ku sugan yihiin ciidamada dowladda iyo kuwa Amisom.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 02:00 and have
