daajis.com:- Iyadoo tacadiyada AMISOM ee ka dhanka ah shacabka Soomaaliyeed ay halkooda kasii socdaan, ayaa maantana mid kamid ah Gawaarida ciidamada AMISOM Wiil Somali ah oo 25-jir ahaa laguna magacaabi jiray, C/weli Abukar C/lle; isla markaana watay Mooto ku jiiray Waddada Warshadaha ee Magaalada Muqdisho.
Goobjoogayaal warbaahinta la hadlay, ayaa sheegay in wiilka uu soo gaaray dhaawac aad u culus islamarkaasina mid kamid ah lugihiisa ay bur burtay, waxaana dhaawiciisa lagu baxnaaninayaa Isbitaalka Lafaha ee ku yaal Degmada H/wadaag.
Amisom-peacekeepers-in-So-008Saraakiil ka kala tirsan Maamulka Hodan Degmada iyo kuwa Gobolka Banaadir, ayaa ka daba-tagay ciidankii AMISOM, iyagoo wadahadal ay la sheegeen kaddib ayaa la isku af-gartay in ciidamada AMISOM ay bixiyaan kharash walba oo ku baxaya daweynta C/weli.
Sidoo kale Gaadiidka AMISOM ayaa Toddobaadkan Gudihiisa ku Jiireen Nin Madaxa looga jiro, kaas oo dhaawiciisa lagu daweynayo Isbitaalka Madiina.
Gudiga difaaca Baarlamanka Soomaaliya ayaa shalay Muqdisho kula shiray saraakiil ka socota AMISOM, waxayna su’aalo ka weydiiyeen xasuuq ay isbuucyadii lasoo dhaafay ciidamada AMISOM dad shacab ah ugu geysteen Deegaanada Shabeelaha Hoose, Baay, Bakool iyo Hiiraan.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 01:18 and have
