daajis.com:- Waxaa maanta si rasmi ah magaalada Muqdisho gaar ahaan Madaxtooyada lagu saxiixay shirka maamul loogu sameenaayo Gobolada Hiiraan iyo Sh/Dhexe waxaana goobjoog ka ahaa M/weyne Xasan Sheekh.
Heshiiska maamulka loogu sameenaayo Goboladaasi waxaa saxiixay Gudoomiyayaasha gobolada Sh/Dhexe iyo Hiiraan iyo xubno kale oo ay wasiiro ka mid ahaayeen.
M/weyne Xasan Sheekh oo qudbad ka jeediyay halka lagu saxiixay heshiiska ayaa sheegay in muhiimad gaar ah ay leedahay in maamul goboleed loo sameeyo labadaan waxa uuna cadeeyay in ay taageeri doonaan.
Gudoomiyaha Gobalka Sh/Dhexe Xasan Dhicisoow ayaa sheegay in maamulkiisa ay u diyaar garoobeen marti galinta maamulka loo sameenaayo labadaan Gobal waxa uuna cadeeyay in dhankasta ay diyaar u yihiin.
Sidoo kale waxaa isaga hadalkiisa jeediyay Gudoomiyaha Gobalka Hiiraan C/fataax Xasan Afrax waxa uuna sheegay in maamulkiisa ay u diyaar garoobeen marti galinta shirka maamulka loogu sameenaayo labada gobal waxa uuna cadeeyay in uu mar hore dadka deegaanka diyaariyay.
Shirka ayaa la isku waafaqay in uu furmo 1 September 2015 ,balse waxaan wali la shaacin halka lagu qaban doono shirka.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 22:00 and have
