daajis.com:- Booliska Jaziirada Malta ayaa xabsiga dhigay Nin Soomaali ah, kaasoo lagu eedeeyay inuu Kufsaday Haweeneey u dhalatay Wadan Sweden.
War-saxaafadeed ay soo saareen booliiska Waddanka Malta aya lagu sheegay in booliisku ay heleen Taleefoon Qarsoodi ah oo loogu sheegay in Haweeney lagu kufsaday Waddada Gerry Zammit.
“Markii ciidamada booliisku ay tageen goobta uu falku ka dhacay, waxayna ka soo qabteen nin Somali ah oo xiriir la lahaa Kufsiga,” ayaa lagu yiri warbixinta ay booliiska Magaalada Gzira soo saaray maanta oo Sabti ah.
Booliska ayaa sidoo kale intaas ku daray in haweeneyda dalka Sweden u dhalatay ee kufsiga loo geystay la dhigay Isbitaalka Mater Dei Hospital si loogu daweeyo, balse ma jirto faahfaahin intaas ka badan oo ay bixiyeen.
Dacwadan ku Saabsan Kufsiga ayaa waxaa loo xilsaaray Haweeney Garsoore ah oo lagu magacaabo, Josette Demicoli, iyadoo Sidoo kalena la Magacaabay Guddi Gaar ah oo ka caawinaya dacwaddan.
Ugu dambeyn, Booliiska Malta ayaan sheegin magaca Ninka Soomaaliga ah ee ay u xireen Kufsigan, sidoo kalena ma sheegin magaca haweeneyda Sweden u dhalatay ee kufsiga loo geystay.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 01:31 and have
