daajis.com:- Madaxweynaha Dowladda Federaalka ee Soomaaliya Mudane, Xasan Sheekh Maxamuud ayaa waxa uu maanta xafiiskiisa ku qaabilay Wakiilka cusub ee Midowga Afrika u qaabilsan Arimaha Soomaaliya Danjire Francisco Caetano Jose Madeira.
Madaxweynaha iyo Wakiilka ayaa ka wadahadley hawlaha Ururka AMISOM ee Soomaaliya, guulaha la gaarey, caqabadaha u baahan in laga gudbo iyo sidii loo sii xoojin lahaa xiriirka iyo wax wada qabsiga ciidammada Xoogga Dalka Soomaaliyeed iyo kuwa AMISOM.
Madaxweyne Xasan Sheekh Maxamuud ayaa danjiraha u xaqiijiyey in dowladda Soomaaliya ay si buuxda u la shaqeyn doonto, isla markaana ka mahad celiyay sida Ururka Midowga Afrika ugu soo gurmadey dalka Soomaaliya.
Danjire Madeira oo isna halkaa ka hadlay ayaa Madaxweynaha soo gaarsiiyay dhambaal uu ka siday Madaxa Guddiga Sare ee Midowga Afrika Dlamini Zuma, waxaana uu balanqaaday inuu meesha ka sii wadi doono hawlaha muhiimka ah ee Ciidamada AMISOM ay ka hayaan dalka Soomaaliya.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 01:30 and have
