daajis.com:- Kooxaha Manchester City iyo Real Madrid ayaa bar-baro goolal la’aan ku kala baxay lugta hore ee Sema Finalka Koobka Champions League, kadib ciyaar ka dhacday garoonka Etihad Stadium.
Man City ayaa qeybta hore ee ciyaarta soo bandhigtay qaab ciyaareed wanaagsan, inkastoo aanay abuurin fursado goolal, balse waxay gacanta ku hayeen maamulka garoonka.
Real Madrid ayaa qeybtii hore soo bandhigin qaab ciyaareedkii looga bartay, waxaana ka maqnaa xidigooda Cristiano Ronaldo oo dhaawac ahaa.
Qeybta hore ayaa ku dhamaatay 0-0, waxaana markii qeybta labaad la isku soo laabtay Real Madrid ay la soo baxday dar dar, iyadoo ay heleen fursado goolal loo fishay.
Goolhaye Joe Hart ayaa ka bad baadiyay ciyaaryahan Pepe, kubad gool loo fishay, markii kubad koorne la soo tuuray uu madaxeeyay Bale, waxaana kubada oo uu si sahlan ku helay Pepe uu xabadka kaga dhiftay goolhaya.
Sidoo kale ciyaaryahan Casemiro ayaa kubad halis aheyd waxaa mar kale bad baadiyay Goolhaye Hart, waxaana gaba gabadii ciyaarta ku soo dhamaatay 0-0.
Todobaadka soo socda ayaa la filayaa in la ciyaaro lugta labaad ee wareega Sema Finalka, waxaana lagu ciyaari doonaa garoonka Bernabue Stadium ee kooxda Real Madrid.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 19:00 and have
