Dagaalkaas waxaa ugu danbeyntii ka qeyb qaatay Ciidamo Mareykan ah oo Cir iyo dhul intaba ka dagaalamayay.

War Shalay ka soo baxay Dowladda dalka Mareykanka ayaa lagu sheegay in Ciidanka Mareykanka ee soomaaliya ku sugan ay halkaasi u joogaan inay caawiyaan ciidamada huwanta ah, ayna halkaa Dagaalka ku galeen ka dib markii Ciidamada AMISOM gaar ahaan kuwa Uganda ay Al-shabaab Dagaal wada galeen kadibna ay Mareykanka ka Codsadeen in ay garab siiyaan sidaana Mareykanku uu dagaalka ku galay.

Sidoo kale Dowladda Mareykanka ayaa sheegtay in dagaalka ka dhacay Duleedka Degmada Afgooye ay ku dileen Rag ka tirsan Xarakada Al-shabaab.

War kale oo ka soo baxay Dowladda Mareykanka ayaa maanta lagu sheegay in Degaanka Sabiib Mareykanka uu ku burburiyay xarun Al-shabaab ay ku qaadi jireen Canshuuraha islamarkaana halkaa laga eryay Shabaabkii ku sugnaa sida lagu sheegay Warka Mareykanka ka soo baxay.

Degaanka Sabiib oo Shalay uu ka dhacay Dagaal Culus ayaa waxaa isla xalay soo baneeyay Ciidamadii Dowladda Soomaaliya iyo kuwa AMISOM ee Shalay halkaasi qabsaday.