daajis.com:- Faah-faahino dheeraad ah ayaa kasoo baxaya weerar ay ciidamada kumaandooska Soomaaliya iyo kuwa Mareeykanka ku qaadeen deegaanka Bariire ee Gobolka Shabeellaha Hoose, halkaasoo ay ku sugnaayeen dagaalyahano al-shabaab katirsan.
Howl galkan wada jirka ah ayaa waxaa ka qeyb qaadanayay diyaarado Helicopters, waxaana dagaal muddo saacad ku dhow oo ka socday deegaanka Bariire la sheegay in al-Shabaab markii dambe looga saaray.
Sarkaal u hadlay Milatariga Soomaaliya, ayaa sheegay in Ciidamada Kumaandooska ee Danab iyo kuwa AMISOM ay qaadeen weerar qorsheysan, ayna howl galka ku soo qabteen saanad ciidan iyo sarkaal ka tirsan Al-Shabaab.
Wararka ayaa intaa ku daraya in Ciidamada ay soo furteen maxaabiis u xirneyd Al-Shabaab oo ku xirnaa saldhiga Bariire, inkastoo aan la sheegin tiradooda.
Dadka deegaanka ayaa sheegaya inay maqlayeen duqeymo ay fulinayeen diyaarado qumaatiga u kaca, ciidamada wada jirka ayaa howl galka kadib ka soo laabtay deegaanka.
Al-Shabaab oo ka hadashay weerarka ayaa sheegay in Ciidamo Mareykan iyo AMISOM ay weerar ku soo qaadeen, balse ay iska difaaceen.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 20:00 and have
