daajis.com:- Wararka inaga soo gaaraya Degmada Wadajir ee Gobolka Banaadir, gaar ahaan xuduuda u dhaxeysa Degmooyinka Wadajir iyo Dharkiinley ayaa sheegaya in rag hubaysani ay saaka aroortii halkaasi ay ku dileen marxuum ka shaqeynjiray Garoonka Aadan Cadde ee, magaalaga Muqdisho.
Dilka ninkani ayaa yimid kadib markii uu ka soo baxay Masaajidka oo uu ku soo tukaday Salaada Subax, kadibna rag hubaysan oo Mooto wata ayaa dilay ninkaasi.
Ninka la dilay oo magaciisa aysan helin Warbaahinta ayaa la sheegay inuu ka shaqeynaayay Garoonka Aadan Cadde, sida ay xaqiijiyeen qaar ka mid ah dadka Xaafada ay wada daganaayeen.
Meydka Marxuumka la dilay ayaa goobta laga qaaday, waxaana la dhigay Hooygiisa, iyadoo dilka kadib goobta ay soo gaareen ciidamada ammaanka Dowladda.
Ragga falka dilka ah fuliyay oo watay Mooto labo lugood leey ah ayaa ka baxsaday goobtii ay ku dileen Marxuumka.
Muddooyinkan danbe ayaa waxaalada Muqdisho waxaa ku soo badanaya ragga dilalka qorsheysan ku fuliya Mootooyinka, xilli shalay caasimadda Muqdisho lagu qabtay rag watay Mooto oo dil ka geystay degmada Xamar Jajab.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 18:00 and have
