daajis.com:- Marka uu qofku isbedel ku yimaado waxa laga arkaa sida uu u dhaqmayo ama hadalkiisa. Ninka xaas leh ee bilaaba in uu la kulmo haweenay kale ayaa had iyo jeer isku daya in uu keeno sababo uu ku qarinayo xidhiidhka cusub ee uu bilaabay.
Sababaha ayaa waxa ka mid ah in uu xaaskiisa u sheego in uu soo daahayo oo uu shaqo badan hayo oo aanu ka soo tagi karin xafiiskiisa ama meesha uu ka shaqaynayo.
In uu qofku bilaabo in uu xidhiidh la sameeyo qof kale asaga oo qoys leh ayaa waxa ay culays iyo fikri badan ku dhalisa ka daacada ah. Waxa muhiim ah in maanka lagu hayo in marar badana uu qofku daacad yahay oo calaamadaha laga hubsado.
Hadaba 5 calaamadood oo shaki ku galin kara marka uu ninkaagu bilaabo in uu la kulmo haweeney kale ayaa ah:
1 – Qarash badan
Waxa uu bilaabayaa in uu qarash badan galo. Marka aad aragto ama dareento in uu ninkaagu ku qarash garaynayo lacag badan waxa aydaan isla ogayn. Waxa laga yaabaa in uu yahay mid khamaar ku ciyaara lactaa badan, hadii aanu khamaar ku ciyaarin waxa ay lacagtaasi ku baxaysaa naag kale oo uu bartay. Waliba marka ay lacagtu tahay mid aad u badan ayaa waxa ay u eeg tahay in uu ku bixiyay hoteel uu kiraystay ama hadyada uu u gaday haweenayda cusub ee uu la kulmay.
2 – Dhaqan cusub
Hadii uu ninkaagu bilaabo in uu kuula dhaqmo si aanad ka baran ayaa waxa ay calaamad u tahay in uu la bilaabay xidhiidh cusub haweenay kale. Hadii uu yareeyo wacidii uu ku soo waci jiray oo xiisihiii uu kuu qabayna yaraaday ayaa waxa ay calaamad u tahay in uu haweenay cusub la kulmay. Xataa farxad iyo xiiso badana oo uu la yimaadana waa calaamado kale oo sii xoojinaya in uu ninkii dhinac kale u baydhay.
3 – Shaqo badan
Ninka oo habeeno badan ku daaha shaqada ama yidhaa waxa aan ka qayb galayaa shirar badan ayaa ah calaamadaha lagu garto in uu la bilaabay sheeko haweenay kale. Marka xiga ee uu ku yidhaa waxa aan ku daahayaa shaqada waxa aad tidhaa waan ku soo marayaa oo casho ayaan kuu keenayaa, halkaasna waxa aad ka qiyaasi kartaa sida uu uga jawaabo balanka aad u qaaday.
4 – Is qurxinta
Hadii ninkii aad ku ogayd calool yar oo ka soo dhacday uu bilaabo in uu xiiseeyo xaragada, sameeyo jimicsi ayaa waxa ay tani ka dhigan tahay in uu isu qurxinayo naag kale, waxa kale oo tani noqon kartaa in uu daacad yahay oo uu doonayo in uu iska bedelo fadhigii badnaa ee caadada u ahayd.
5 – Dareenkaaga
Ta ugu muhiimsan, caadina ahi waa dareenka kugu dhasha ee aad kaga shakiso in ninkaagu kuu ahayn daacad. Sababtoo ah, dareenka saxda ahi waxa uu inta badan salka ku hayaa waxa aad aragtay. Hadii aanad ahayn dumarka masayrka badan ayaa dareenka kugu dhashay noqon karaa mid sax ah.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 01:30 and have
