daajis.com:- Barxada masjidka Isbaheysiga Islaamka ee magaalada Muqdisho ayaa waxaa maanta lagu qabtay banaan bax balaaran oo looga soo horjeeday laguna canbaareenayay qaraxii Ismiidaaminta ahaa ee dhawaan ka dhacay meel ku dhaw Masjidka Nabigeena Maxamed NNKH ee kuyaala magaalada Madiina.
Banaan baxan waxaa soo abaabulay Hay’ada Culumada Soomaaliyeed, waxaana kasoo qeyb galay masuuliyiin katirsan Dowladda Soomaaliya, Culumaa’udiin iyo Boqolaal qof oo ka kala yimid xaafadaha kala duwan ee caasimadda Muqdisho.
Dadka dhigayay banaan baxa ayaa watay boorar ay ku qoran yihiin cambaareynta qaraxa ka dhacaymagaalada Madiina iyo sidoo kale Ereyo lagu amaanayo nabigeena Muxamed NNKH iyo guud ahaan ahmiyadda ay leedahay ilaalinta goobaha xurmadda leh .
Sheekh Nuur Baaruud Gurxan , oo kamid ahaa Culumadii ka hadlay Banaan baxa ayaa si kulul u cambaareeyay Weerarkii ka dhacay meel ku dhaw Masjidka Nabiga, waxa uuna ku booriyay umada Islaamka in ay kasoo horjeestaan kana dhii dhiyaan falalka guracan ee argagaxisa.
Dhawaan ayey aheed markii nin waxyaabaha qarxa isku so xiray uu isku qarxiyay banaanka hore ee Masjidka caanka ah ee Madina al-munawara.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 22:30 and have
