daajis.com:- Maamulka Galmudug ayaa ka Warbixisay Dagaalkii Maanta ka dhacay Magaalada Gaalkacyo ee dhexmaray Ciidamada Galmudug iyo Puntland, Kaasi oo gaystay Khasaare kala duwan.
Afhayeenka Gobolka Mudug ee maamulka Galmudug Axmed Xasan Faarax ayaa sheegay in Dagaalkii Maanta Maamulka Puntland looga dilay 14 Askari islamarkaana looga Gubay Labo Gaadhi oo Nooca Dagaalka ah, Wuxuuna sheegay in Ciidamada Galmudug ay Gacanta ku hayaan Maxaabiis laga qabtay Puntland, oo Warbaahint ay usoo Bandhigi doonaan.
“Dagaalku waanu kusii wadaynaa, Daayin Abidkeen, Waan-waan danbe ma Jirto, Heshiis danbe na dhex Mari maayo, Gaalkacyo Galmudug ama Puntland ayaa u Hadhaysa” ayuu yidhi.
Afhayeenka Gobolka Mudug ee Galmudug Axmed Xasan Faarax ayaa Sheegay inay dagaalka Sii wadi doonaan, Ilaa ay Puntland Qirato inay Galmudug tahay maamul Soomaaliyeed oo Jira, Sidoo kale Wuxuu sheegay in Gaadiidka Dagaalka ay ku gubeen ay u Malaynayaan in laga keenay Jabubaland ama Maamulka Soomaalida Itoobiya.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 00:30 and have
