daajis.com:-Maamulka madaxweyne Obama ayaa lagu wadaa inuu cunaqabateyn kusoo rogo dowladda Ruushka, taasoo uu uga jawaabayo faragelin la sheegay inuu Ruushka ku sameeyey doorashooyinkii madaxtinimo ee Mareykanka ka dhacay bishii November ee sanadkaan.
Wargeyska Washington Post ayaa ku warramay in Aqalka Cad uu hadda ka doodayo qaabka uu cunaqabateyn deg deg ah ugu soo rogi lahaa Ruushka,
iyadoo la isticmaalayo awooda dheeraadka ah ee uu madaxweyne Obama saxiixay sanadki hore.
Awoodaha fulineed ee dheeraadka ah ayaa madaxweyne Obama u ogolaanaya inuu cuna qabateyn dhinaca dhaqaalaha ah kusoo rogi karo kooxaha ama dowladaha ku lug yeesha burcadnimada internet-ka.
Madaxwene Obama ayaa raba in cunaqabateynta Ruushka la fuliyo ka hor inta uusan xafiiska baneyn sadex toddobaad kadib.
Ruushka ayaa lagu eedeeyey in ay jabsadeen xogta internet-ka ee xisbiga dimoqraadiga iyo musharax Hillary Clinton kadibna ay faafiyeen sir badan ayaga oo ugu daneynaya Donald Trump.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 04:30 and have
