daajis.com:- Magaalada Boosaaso ee Xarunta Gobolka Bari wararka naga soo gaaraya ayaa waxaa ay sheegayaan in Puntland Ciidamo farabadan ku daadiaay waddooyinka Magaalada, iyada oo aan weli xal laga gaarin xiisadda ka dhalatay xilka qaadistii Agaasimaha Hay’adda PSF.
Wararka ayaa intaas ku daraya in Ciidamada ammaanka inta badan waddooyinka muhiimka ah la dhigay, isla markaana baaritaano gaadiidka iyo mid dadweynaha ah sameeynaya.
Ciidamadaan Maamulka Puntland uu dhigay waddooyinka Boosaaso ayaa waxaa uu saameyn ku yeeshay howlgalka ay wadaan isku socodka dadka iyo Gaadiidka walow aysan jirin waddooyin ay xireen balse kaliya ay wadaan baaritaano.
Qaar kamid ah Bulshada Magaalada Boosaaso ayaa waxaa ay sheegeen in maalmihii la soo dhaafay ay cabsi dareemeen balse haatan xaaladda Magaalada ay tahay mid degan oo dadku si caadi ah u Shaqeeysanayaan.
Odayaasha Dhaqanka Magaalada Boosaaso ayaa waday dadaalo xal raadin balse waxaa weli jirin wada-hadallo rasmi ah oo dhexmaray Saraakiisha Ciidamada PSF-ta Puntland iyo Xukuumadda Madaxweynaha Saciid Cabdullaahi Deni.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 23:20 and have
